The best tricks to save tax |  कर वाचवण्याचे सर्वोत्तम मार्ग

The best tricks to save tax |  कर वाचवण्याचे सर्वोत्तम मार्ग, 12,00,000 रुपयापर्यंतच्या उत्पन्नावर कर भरावा लागणार नाही, कसा ते वाचा.

जर तुम्ही टॅक्स भरत असाल तर ही बातमी जाणून घेणे तुमच्यासाठी खूप महत्वाचे आहे. वास्तविक, आयकर विभागाच्या निर्णयानुसार आता 12,00,000 रुपयापर्यंतच्या कमाईवर कर्मचाऱ्यांना कर भरावा लागणार नाही. त्यासाठी The best tricks to save tax मध्ये  कर वाचवण्याचे सर्वोत्तम मार्ग जाणून घ्या.

1 फेब्रुवारी 2022 रोजी अर्थमंत्र्यानी देशाचा अर्थसंकल्प सादर केला. नोकरदार व व्यावसायिकांना या अर्थसंकल्पात आयकर स्लॅबमध्ये काही बदल होण्याची आशा होती, परंतु आयकर स्लॅबमध्ये कोणताही बदल करण्यात आला नाही.

अशा स्थितीत सर्व पगारदार करदात्यांची निराशा झाली आहे, पण तरीही थोडे नियोजन केले तर 12,00,000 रुपयांपर्यंतच्या पगारावरील संपूर्ण कर वाचवू शकता. (The best tricks to save tax)

बहुतेक लोक शेवटच्या क्षणी कर वाचविण्याचा विचार करतात, परंतु कर बचत हा एक दिवस, एक आठवडा किंवा एक महिन्याचा खेळ नाही, तर त्यासाठी आर्थिक वर्षाच्या सुरुवातीपासून नियोजन करुन त्याची अमलबजावणी करणे महत्वाचे आहे.

करदात्यांनी वर्षाच्या सुरुवातीपासूनच नियोजन करायला हवे. जर तुम्ही योग्य नियोजन केले, पगार ऑप्टिमाइझ केला, सर्व सूट आणि कपात यांचा योग्य मेळ घातला, तर तुम्ही नक्कीच 12,00,000  रुपयांपर्यंतच्या पगारावर कर वाचवू शकता. म्हणजेच, तुम्हाला 12,00,000 रुपयापर्यंतच्या उत्पन्नावर कोणताही कर भरावा लागणार नाही.

1. पगारातील विविध प्रकारच्या सूट समजून घ्या

प्रत्येकाच्या पगारात मूळ वेतन (Basic Pay) आणि महागाई भत्ता म्हणजेच (DA) असतो, ज्यावर तुम्हाला कोणतीही सूट मिळत नाही. तुम्हाला त्यावर पूर्ण कर भरावा लागतो. याशिवाय, पगारामध्ये विविध प्रकारचे विशेष भत्ते आणि प्रतिपूर्ती आहेत.

ज्यामध्ये एचआरए, एलटीए, वाहतूक भत्ता, फूड कूपन, इंटरनेट बिल, फोन बिल, इंधन बिल यासारख्या गोष्टींचा समावेश असू शकतो. तुमच्या 12,00,000  पर्यंतच्या पगारावरील उत्पन्नावर कर कसा वाचवायचा त्या विषयीची माहिती पुढे दिलेली आहे.

2) एचआरए- घरभाडे भत्ता (The best tricks to save tax)

लोक नोकरीसाठी इतर शहरात जातात आणि तिथे भाड्याने राहतात, असा सरकारचा समज आहे. अशा परिस्थितीत सरकार HRA वर म्हणजेच कंपनीकडून मिळालेल्या घरभाडे भत्त्यावर कर सूट देते.

तथापि, HRA वर किती सूट मिळेल याबाबत काही नियम आहेत, अन्यथा लोक संपूर्ण पगार HRA मध्येच घेतील. HRA साठी, तुम्हाला तीन संख्या विचारात घ्याव्या लागतील, आणि यापैकी जी संख्या सर्वात कमी असेल, त्यावर तुम्हाला कर सूट मिळेल.

1. सेवकाला नियोक्त्याकडून पगारात मिळणारा HRA.
2. मेट्रो शहरात बेसिकच्या 50% आणि नॉन मेट्रो शहरात बेसिकच्या 40%.
3. भाड्यातून मूळ रकमेच्या 10% वजा केल्यावर उरलेली रक्कम. म्हणजेच, जर तुमचे मूळ वेतन 2,00,000 रुपये असेल आणि वार्षिक भाडे 1,20,000 रुपये असेल, तर तुम्हाला मेट्रो शहरात 1,00,000 रुपयांपर्यंत एचआरएचा लाभ मिळू शकतो, व नॉन मेट्रो शहरात 80,000 रुपयांपर्यंत एचआरएचा लाभ मिळू शकतो.

वाचा: Know How Employees Can Save Tax | असा वाचवा कर

3) टीए- प्रवास भत्ता (The best tricks to save tax)

हा असा भत्ता आहे, ज्याचा फायदा फार कमी लोक घेतात. तुम्ही 4 वर्षांत 2 वेळा याचा लाभ घेऊ शकता. या अंतर्गत, जर तुम्ही कुठेतरी सहलीसाठी गेलात, तर तुम्हाला प्रवासासाठी आकारल्या जाणार्‍या भाड्यावर संपूर्ण कर सूट मिळेल. मात्र, यामध्ये एक अट आहे, ती म्हणजे तुमच्या नियोक्त्याकडे तुम्हाला एलटीए देण्याची सुविधा असावी.

समजा तुम्ही कुठेतरी सहलीला गेलात, जिथे येण्या-जाण्यासाठी भाडे 20,000 रुपये आहे. जर तुमच्या कुटुंबात 4 लोक असतील, ज्यामध्ये पती-पत्नी आणि दोन मुले असतील तर तुमचे प्रवास भाडे 80,000 रुपये असेल.

जर तुमची कंपनी LTA मध्ये 80,000 रुपयांपर्यंतच्या पगाराचा भाग देत असेल तर तुम्हाला 80,000 रुपयांवर कर सूट मिळू शकते. वाचा: Know about the tax saving plans | आयकर बचत योजना

4) मुलांचा शिक्षण आणि वसतिगृह भत्ता

हे असे भत्ते आहेत, ज्यामध्ये खूप मोठी सूट उपलब्ध नसते, परंतु काहीवेळा तुमचा पगार करपात्र उत्पन्नाच्या कक्षेत न येण्यासाठी या रकमेचा उपयांग होतो. अशा परिस्थितीत तुम्ही कोणतीही कर सूट सोडू नये, मग ती लहान असो वा मोठी.

हे भत्ते म्हणजे मुलांचा शिक्षण भत्ता आणि वसतिगृह भत्ता. मात्र, ज्यांची मुले शाळेत शिकत आहेत त्यांनाच त्याचा लाभ मिळतो. वसतिगृहात राहून तो शिक्षण घेत असेल तर त्याला वसतिगृह भत्ताही मिळेल. या दोन अंतर्गत, तुम्हाला एकूण 9,600 रुपयांपर्यंत कर सूट मिळते.

वाचा: Tax-saving rules and ways to save tax |करबचत नियम आणि मार्ग

5) प्रतिपूर्तीचा दावा केल्याची खात्री करा

पुष्कळ लोकांना परतफेड ही त्रासदायक वाटते आणि त्यापासून दूर राहणे पसंत करतात. जो सर्व प्रकारची बिले गोळा करतो, ती जोडून एचआरला देतो आणि नंतर त्याचे पैसे घेतो, तो इतका त्रास सहन करण्याऐवजी हे पैसे आपल्या पगारात विशेष भत्ता म्हणून घेतो. तुमचाही असा विचार असेल तर आधी हा विचार बदला आणि प्रतिपूर्तीचा दावा करा.

बिल सबमिशनला त्रास समजू नका, कारण ते तुम्हाला भरपूर कर वाचविण्यात मदत करु शकते. या अंतर्गत, तुम्ही व्यवसायासाठी झालेल्या खर्चाचा दावा करु शकता, ज्यामध्ये फोन बिल, इंटरनेट बिल, इंधन बिल इ.

इतकेच नाही तर अनेक कंपन्या जेवणाचे कूपन देखील देतात, ज्या अंतर्गत तुम्हाला 50,000 रुपयांमध्ये दररोज दोन जेवणाचे कूपन मिळते. आता कूपन ऐवजी कार्डे देखील उपलब्ध आहेत, ज्यामध्ये बिलाचा त्रास नाही.

हे आवश्यक नाही की तुम्ही ते फक्त अन्न खाण्यासाठी वापरता, परंतु ते किराणा सामान खरेदी करण्यासाठी, पिझ्झा खाण्यासाठी देखील वापरले जाऊ शकते.

जर तुम्ही कंपनीत महिन्यात 26 दिवस काम करत असाल तर तुम्हाला दररोज 2 कूपन (रु. 100) मिळू शकतात. अशाप्रकारे, वर्षभर तुम्हाला मील व्हाउचर अंतर्गत 26,400 रुपये मिळतील. तुम्ही प्रतिपूर्तीमध्ये दावा करु शकता. म्हणजेच तुमच्या पगाराच्या हिशोबात इतका पैसा कमी होईल आणि तुमचे करपात्र उत्पन्न कमी होईल.

वाचा: How to Save Income Tax on Salary | पगारावर कर कसा वाचवायचा

6) आयकरातील वजावट (The best tricks to save tax)

आयकरातून विविध प्रकारच्या सूटमिळण्याबद्दल आपण माहिती पाहिली आहे. आता कोणत्या वजावटी उपलब्ध आहेत या विषयीची माहिती खालील प्रमाणे आहे.

1. प्रत्येक पगारदार व्यक्तीला 50,000 रुपये मानक वजावट मिळते. म्हणजेच तुम्ही तुमच्या एकूण उत्पन्नातून 50,000 रुपये वजा करु शकता.
2. जर तुम्ही व्यवसायकर भरत असाल तर, तुम्ही तुमच्या एकूण उत्पन्नातून व्यवसायकराची भरलेली संपूर्ण रककम वजा करु शकता.
3. कलम 80C अंतर्गत तुम्ही 1,50,000 रुपयांपर्यंत गुंतवणूक करु शकता आणि त्यावर कराचा लाभ घेऊ शकता. या अंतर्गत, तुम्ही पीपीएफ, सुकन्या समृद्धी योजना इत्यादींमध्ये गुंतवणूक करु शकता. या अंतर्गत तुम्हाला मुलाच्या ट्यूशन फीवरही सूट मिळते.
4. 80CCD1 अंतर्गत कलम 80C मध्ये उपलब्ध असलेल्या 1.5 लाख रु बचत मध्ये कर्मचाऱ्याची NPS मधील रक्कम म्हणजे कर्मचारी स्व हिस्सा वजावट करता येतो. तसेच कलम 80CCD1(B) मध्ये (कलम 80 C व्यतिरिक्त) NPS मधील कर्मचारी हिश्याची रक्कम ही 50,000 रुपयांची अतिरिक्त वजावट करता येते.
5. 80D अंतर्गत तुम्हाला आरोग्य विम्यावर कर सूट मिळेल. तुम्ही स्वतःसाठी रु. 25,000 आणि पालकांसाठी रु. 50,000 पर्यंतच्या आरोग्य विम्याच्या प्रीमियमवर कर सूट मिळवू शकता.
6. प्रतिबंधात्मक आरोग्य तपासणी करुन तुम्हाला 5,000 रुपयांवर कर सूट मिळू शकते.

वाचा: IT Calculation for Salaried Employee | आयकर गणना

7. गृह कर्ज आणि इलेक्ट्रिक वाहन कर्जावर, तुम्हाला वेगवेगळ्या अटींनुसार 1,50,000 ते 2,00,000 रुपयांपर्यंतच्या व्याजावर कर सूट मिळू शकते. ही सूट 80EE अंतर्गत उपलब्ध आहे.
8. वाढीव घरभाडे वजावट (कलम 80 GG) उदा- पगारात मिळणारा मासिक घरभाडे HRA भत्ता 5000 रु असेल व कर्मचारी भाड्याने राहत असेल ,व त्यास मिळणाऱ्या घरभाडे भत्त्या पेक्षा तो जास्त रक्कम घरभाड्यावर खर्च करत असेल (उदा. 6000 रु मासिक,) तर त्याचे वाढीव खर्च घरभाडे 1000 रु × 12 महिने = 12,000 रु हे कलम 80GG अंतर्गत इनकम मधून टॅक्स सूट/ वजावट होतील. मात्र यासाठी घरभाडे भरल्याच्या पावत्या/ रेंट करारनामा इत्यादी आवश्यक राहील.
9. बचत खाते आणि एफडीवर मिळणाऱ्या व्याजावर तुम्हाला 10,000 रुपयांपर्यंत कर सूटही मिळू शकते. त्याच वेळी, ज्येष्ठ नागरिकांसाठी ही सूट 50,000 हजार रुपये आहे.
10. देणगी / डोनेशन – 80 G कलम 80G अंतर्गत एखाद्या नोंदणीकृत समाजसेवी संस्थेस/मंदिर/ट्रस्ट/ इत्यादी ना देणगी स्वरूपात दिलेली रक्कमेस 50000 रु पर्यंत इनकम मधून वजावट मिळते.
11. अपंग कर्मचारी सूट (80 U) (1) अपंग कर्मचाऱ्यांस 75000 रु सूट/वजावट मिळते. (2) अपंगत्व 80% किंवा त्यापेक्षा जास्त असेल तर 1,25,000,₹ वजावट मिळते. (3) अपंग पाल्य सूट (कलम 80 DD) कर्मचाऱ्यांस त्याच्या अपंग मुलाच्या/ पाल्यासाठी इनकम टॅक्स मध्ये 75000 रु ची वजावट/सूट मिळते. (4) पाल्याचे अपंगत्व जर 80% किंवा त्यापेक्षा जास्त असेल तर कलम 80DD अंतर्गत इनकम मध्ये 1,25,000,₹ ची वजावट मिळते.
12. वैद्यकीय प्रतिपूर्ती देयक मिळाले असल्यास त्याची वजावट- कलम 17(2) परिवारातील कोणत्याही सदस्यांच्या आजारावर कर्मचाऱ्यांने खर्च केलेली रक्कम ज्यावेळी वैद्यकीय प्रतिपूर्ती च्या स्वरूपात (मेडिकल बिल ) नियोक्त्या कडून कर्मचाऱ्यांस मंजूर होते/प्रत्यक्ष खात्यावर जमा होते तेव्हा ती रक्कम उत्पन्नात मोजली जाते व त्याला कलम 17(2) अंतर्गत संपूर्ण वजावट ही मिळते, मग ते बिल कितीही रूपये असो.

7) आता हिशोब समजून घ्या (The best tricks to save tax)

1. सर्वप्रथम, तुम्हाला तुमच्या पगारातून सर्व सूट वजा करावी लागेल. जर तुमचा पगार 12,00,000 रुपये असेल तर सर्वात आधी त्यातील 50,000 रुपयांची स्टँडर्ड डिडक्शन काढून टाका, जसे की, 12,00,000- 50,000 = 11,50,000 रुपये होईल.
2. जर तुम्ही प्रत्येक महिण्यात 200 रुपये व्यवसायकर भरत असाल, आणि फेब्रुवारीमध्ये 300 रुपये तर, तुम्ही एका वर्षात 2500 रुपये तुमच्या एकूण उत्पन्नातून व्यवसायकराची भरलेली रक्कम वजा करु शकता. 11,50,000 – 2500 = 11,47,500
3. जर तुम्ही 80C अंतर्गत 1,50,000 रुपयांची कर सूट घेतली तर, 11,47,500 – 1,50,000 = 9,97,500
4. तुम्ही दर महिन्याला 13,000 ते 15,000 रुपये भाडे भरले तर तुम्ही किमान 1,50,000 रुपयांच्या एचआरएचा दावा करु शकता. 9,97,500 – 1,50,000 = 8,47,500.
5. कंपनीकडून LTA घ्या आणि सुमारे 80,000 रुपये वजावट मिळवा, 8,47,500 – 80, 000 = 7,67,500.
6. याशिवाय तुम्हाला कंपनीकडून फोन आणि इंटरनेट बिलांसाठी 20,000 रुपये मिळतील. 7,67,500 – 20,000 = 7,47,500.
7. तुम्हाला जवळपास 26,400 रुपयापर्यंत जेवण कूपनवर कर सूट मिळेल. 7,47,500 – 26,400 = 7,21,100.
8. तुम्ही तुमच्या कुटुंबासाठी आरोग्य विम्यावर 25,000 रुपयांपर्यंत सहज खर्च कराल. समजा तुम्ही पती-पत्नी आणि दोन मुलांसाठी हेल्थ प्लॅन घेतला तर तुम्हाला सुमारे 25,000 रुपये कर सवलत मिळेल. 7,21,100 – 25,000 = 6,96,100.
9. जर तुम्ही पालकांसाठी आरोग्य विमा योजना प्लॅन घेतला तर, तुम्हाला सुमारे 50,000 रुपये सवलत मिळू शकते. 6,96,100 – 50,000 = 6,46,100
10. तुम्हाला कंपनीकडून मिळणाऱ्या कन्व्हेयन्स रिइम्बर्समेंटची रक्कमही सुमारे 1,60,000 रुपये वार्षिक असेल. जर तुम्ही ते देखील कमी केले तर तुमचा करपात्र पगार 6,46,100 – 1,60,000 = 4,86,100 रुपये होईल.
11. तुम्हाला 2 मुलांच्या शिक्षणासाठी शिक्षण भत्ता आणि वसतिगृह भत्ता यावर 9600 पर्यंत करसवलत मिळेल.

अशाप्रकारे 5 लाखांपर्यंत करपात्र पगार असलेल्यांना आयकर विभागाकडून 2,50,000 रुपयांपर्यंतची कर सवलत दिली जाते. म्हणजे तुमचा कर आता शून्य झाला आहे. अशाप्रकारे करनियोजन करुन तुम्ही 12,00,000 रुपये उत्पन्नापर्यंत आयकर वाचवू शकता.

वाचा: Know all about Intimation u/s 143-1 | विषयी सर्व काही

8) सारांष (The best tricks to save tax)

रोजगार कार्यक्रमांसह विविध कल्याणकारी योजनांसाठी सरकारकडून करांचा वापर केला जातो. विविध विभागात लाखो कर्मचारी असून त्याचा प्रशासकीय खर्च शासनाला करावा लागतो.

कर भरुन आपण राष्ट्र निर्माण करण्यास मदत करतो, त्यामुळे आरोग्यसेवा आणि  शैक्षणिक सुविधा पुरवण्यात मदत होते. त्यामुळे नियमानुसार कर भरा आणि कल्याणकारी योजनांमध्ये योगदान द्या.

आयकर हे ओझे आहे असे मानण्यापेक्षा, आयकराचे महत्त्व समजून घेण्याचा प्रयत्न करा, आणि देशाच्या विकासात तुमचा पैसा किती भूमिका बजावतो हे तुम्हाला दिसेल.

एक जबाबदार नागरिक व्हा आणि तुमचा आयकर नेहमी वेळेवर भरा कारण कर भरणा करुनच आपला देश इतर विकसित राष्ट्रांच्या बरोबरीने राहू शकतो आणि पुढे जाऊ शकतो.

वाचा: Know All About House Rent Allowance | घरभाडे भत्ता

टीप: येथे असलेली माहिती सामान्य स्वरुपाची आहे आणि ती केवळ शैक्षणिक हेतूंसाठी आहे. येथे कोणत्याही गोष्टीचा अर्थ गुंतवणूक, आर्थिक किंवा कर आकारणी सल्ला म्हणून घेतला जाऊ नये. तसेच कोणत्याही आर्थिक उत्पादनासाठी आमंत्रण, विनंती किंवा जाहिरात म्हणून विचार केला जाऊ नये.

वाचकांना विवेकबुद्धीचा वापर करण्याचा सल्ला दिला जातो आणि कोणत्याही आर्थिक उत्पादनाच्या संदर्भात कोणताही गुंतवणूक निर्णय घेण्यापूर्वी त्यांनी स्वतंत्र व्यावसायिक सल्ला घ्यावा. या माहितीच्या वापरामुळे उद्भवलेल्या कोणत्याही निर्णयासाठी मराठीबाणा जबाबदार नाही.

Related Posts

• Easy ways to save tax in India | आयकर वाचवण्याचे मार्ग
• Know All About House Rent Allowance | घरभाडे भत्ता
• How to Save Income Tax on Salary | पगारावर कर कसा वाचवायचा
• Tax-saving rules and ways to save tax |करबचत नियम आणि मार्ग
• Taxable and Non-Taxable Allowances | करपात्र व अकरपात्र भत्ते

Post Categories

आमच्या Etopcollectionवेबसाईटला जरुर भेट द्या, तसेच शैक्षणिक माहितीसाठी “ज्ञानज्योत”शैक्षणिक मराठी संकेत स्थळाला भेट द्या.