Easy Way to Memorize Study for Students | आजचा संघर्ष उद्याचे सामर्थ्य निर्माण करतो; विद्यार्थी दशेमध्ये थोड त्रास सहन केला तर, भविष्य निश्चितच उज्वल असेल.
Table of Contents
यशस्वी विद्यार्थी कसा अभ्यास करतात
अभ्यास करण्याची; आणि केलेला अभ्यास लक्षात ठेवण्याची एक कला आहे. प्रत्येकाची अभ्यास करण्याची शैली; किंवा पध्दती वेगळी असते. जर आपण खूप अभ्यास करत असाल आणि केलेला अभ्यास लक्षात रहात नसेल तर; अभ्यास करण्याची पध्दती बदला. अभ्यास करण्याच्या वेगवेगळया पध्दती वापरुन; आपणास जुळणा-या पध्दतीचा शोध घ्या. अभ्यासात त्या पध्दतीचा वापर करुन केलेल्या अभ्यासाचा आढावा घ्या. (Easy Way to Memorize Study for Students)
उदा. वर्गात शिक्षकांनी शिकविलेला घटक किंवा उपघटक; घरी विद्यार्थ्याने केलेला अभ्यास, एखाद्या व्याख्यानामध्ये ऐकलेली माहिती; आकाशवाणीवर ऐकलेली माहिती, किंवा अभ्यासा विषयी एखादया घटकावर मित्रांबरोबर केलेली चर्चा. अभ्यासाविषयी पाहिलेली व्हिडिओ क्लिप; टीव्ही पाहतांना केलेला अभ्यास, गप्पा मारतांना केलेला अभ्यास, वाचन व लेखन करुन केलेला अभ्यास; किंवा खेळताना केलेला अभ्यास. अशा वेगवेगळया पध्दतींचा वापर करुन; आपणास योग्य वाटणा-या पध्दतीचा शोध घ्या. तिचा वापर करा व पडताळा घेऊन आपणास योग्य वाटणारी पध्दत निवडा. (Easy Way to Memorize Study for Students)
त्याचबरोबर लक्षात ठेवण्यासाठी वेगवेगळी गाणी; अक्षरे, प्रतिमा, नकाशे, आलेख, मार्कर पेन, नोटसवहीमध्ये केलेले मार्किंग, अधोरेखन, चौकट, यमक, अ‍ॅक्रोस्टिक, रंग, कीवर्ड पद्धत, कथा किंवा ड्रॉईंग व पेंटिंग इत्यादींसह; वेगवेगळया खुनांचा वापर करु शकता. अर्थात हे प्रत्येकाची आवड व विचार करण्याची पद्धती यावर अवलंबून आहे; वरीलपैकी आपणास जी पध्दती आरामदायक किंवा उपयुक्त वाटते ती निवडा. वाचा: Adverse effects of media on children | मीडिया आणि मुले
केलेला अभ्यास लक्षात ठेवण्यासाठी टिप्स
केलेला अभ्यास लक्षात ठेवणे हे एक अवघड काम आहे; आपण काही गोष्टी सहज लक्षात ठेवू शकतो, परंतु इतर काही गोष्टी आठवत नाहीत. आपल्याला आयुष्यात काही गोष्टी आठवतात; तर काही गोष्टी आपल्या मनातल्या एका दरवाजातून येतात आणि दुस-या दरवाजाने त्या बाहेर जातात. (Easy Way to Memorize Study for Students)
लक्षात ठेवण्यासाठी कोणतीही “जादूची गोळी” नाही. परंतु येथे काही टिप्स आहेत ज्या तुम्हाला मदत करु शकतील.
माहिती लक्षात कशी ठेवावी? (Easy Way to Memorize Study for Students)
- जी माहिती आपण लक्षात ठेवली पाहिजे असे वाटते; तेंव्हा ती माहिती अगोदर समजून घ्या. माहिती समजून घेतल्याशिवाय; ती दीर्घकाळ लक्षात राहात नाही. कोणतिही गोष्ट चांगली समजली की ती सहसा विसरली जात नाही; माहितीचे पुन्हा पुन्हा पुनरावलोकन केल्यास ती माहिती कायमस्वरुपी लक्षात राहते.
- तुम्हाला आठवत असलेली माहिती आणि एखादी व्यक्ती, ठिकाण, वस्तू, परिस्थिती किंवा भावना यामध्ये एक सांगड निर्माण करण्याचा प्रयत्न करा. वाचा: Best Career in Drawing and Painting | ड्रॉईंग व पेंटींगमध्ये करिअर
- तुम्ही जी माहिती लक्षात ठेवली पाहिजे असे वाटते तेंव्हा ती माहिती पुष्कळ वेळा लिहा आणि इतरांना ती वारंवार सांगा.
- जर आपल्याला खूप मोठी माहिती लक्षात ठेवणे आवश्यक असेल तर; माहितीची लहान, लहान भागांमध्ये विभागणी करा. विभागणी केलेल्या प्रत्येक भागाला एक शिर्षक द्या; मुद्दे तुम्ही लक्षात ठेवू शकता त्या क्रमाने मांडा. अगोदर मुद्दे लक्षात राहिले की स्पष्टिकरण आपोआप आठवते; एक एक मुद्दा घेऊन त्याचे स्पष्टिकरण लिहा. प्रत्येक प्रवर्गातील माहिती स्वतंत्रपणे लक्षात ठेवण्याचे काम करा.
- ठराविक माहिती चांगली लक्षात ठेवण्यासाठी चित्र (ग्राफिक्स्‍) तयार करा; सर्वत्र दिसत असलेली माहिती लक्षात ठेवण्याऐवजी प्रदर्शित केलेली माहिती लक्षात ठेवणे सोपे आहे.
- तुम्हाला आठवत असलेल्या माहितीचे मनात एक चित्र बनवण्याचा प्रयत्न करा. व्हिज्युअल प्रतिमा लक्षात ठेवण्यासाठी एक शक्तिशाली साधन आहे.
- तुम्हाला जे आठवले पाहिजे ते वापरण्याचा प्रयत्न करा; उदाहरणार्थ, आपण काही नवीन शब्दसंग्रहातील शब्द लक्षात ठेवण्याचा प्रयत्न करीत असल्यास, आपल्या बोलण्यात आणि लिहिताना ते शब्द जानीवपूर्वक वापरा.
- स्वत:ची चाचणी घ्या; असे करण्याचा एक चांगला फायदा म्हणजे आपणच आपला पेपर तपासतो; त्यावेळी आपण कोणत्या चूका केल्या हे समजते. नंतर आपण त्या चूका टाळतो; त्यातूनच सुधारणा होत जाते. अशा प्रकारे सोप्या प्रश्नांकडून अवघड प्रश्नांकडे जाता येते.
- आपण लक्षात ठेवलेल्या माहितीचा वापर करुन गेम तयार करा एक मजेदार ॲक्टिव्हिटी तयार करुन लक्षात ठेवण्याचा प्रयत्न करा.
- लक्षात ठेवणे म्हणजे आपण शाळेत काहीतरी करणे आवश्यक नाही. आपल्या आयुष्याच्या सर्व बाबींमध्ये आपण हे करणे आवश्यक आहे. वाचा: पालकांनो सावधान! आपल्या मुलांच्या बाबतीतही ‘अस’ घडेल..! Mobile Phone and Children
चाचणी परीक्षेसाठी आपण काय करु शकता?
आपली चाचणी परीक्षेची चिंता कमी करण्यासाठी आपण परीक्षेच्या आधी; परीक्षे दरम्यान आणि परीक्षे नंतर करु शकता अशा काही गोष्टी येथे आहेत.
- चाचणी परीक्षेमध्ये अंतर्भूत असलेल्या सर्व विषयांच्या सर्व घटकांची अगोदर माहिती घ्या; नियोजन करुन सर्व घटकांचा चांगल अभ्यास करा. हे तंत्र आपल्याला अति चिंता करण्याऐवजी आत्मविश्वासाने परीक्षेस जाण्यास मदत करेल.
- अभ्यास करताना सकारात्मक दृष्टीकोन ठेवा; चांगले काम करण्याचा विचार करा, अपयशी होऊ नका. आपण किती शिकलात हे दर्शविण्याची संधी म्हणून परीक्षेचा विचार करा.
- परीक्षेच्या आदल्या रात्री पुरेसी झोप घ्या; चाचणीपूर्वी हलके आणि पौष्टिक जेवण करा. जंक फूडपासून दूर रहा; चाचणी परीक्षा सुरु हेाण्यापूर्वी इच्छित स्थळी जा, थोडी विश्रांती घ्या व मन शांत ठेवा.
- चाचणी दरम्यान आपल्याला परीक्षा कठीण वाटली तरी घाबरु नका. आरामशीर रहा, हळू आणि खोल श्वास घ्या. “मी हे करु शकतो” यासारख्या सकारात्मक स्व-विधानांवर लक्ष केंद्रित करा.
- आपण संपूर्ण पेपर सोडविण्यापूर्वी इतर विद्यार्थ्यांनी त्यांचा पेपर संपविण्याबद्दल काळजी करु नका; आपले काम चालू ठेवा व आपला सर्वोत्तम प्रयत्न करा.
- एकदा आपण चाचणी समाप्त केली की; त्याबद्दल चिंता करु नका, ते तात्पुरते विसरा. कारण दिलेल्या चाचणी बद्दल विचार करुन आपण काही करु शकत नाही; आपले लक्ष आणि प्रयत्न नवीन असाइनमेंट आणि राहिलेल्या विषयांकडे वळवा.
- चाचणी परीक्षेच्या निकालानंतर मिळालेली श्रेणी या बाबत परीक्षण करा. पुढील चाचणीमध्ये आपण काय बदल करणार, त्यासाठी आपण काय चांगले केले पाहिजे याचा विचार करा. आपल्या चुका आणि आपण काय चांगले केले त्यापासून शिका. आपण पुढील परीक्षा देता तेव्हा हे ज्ञान वापरा. वाचा: Quit Bad Habits│आतातरी बदला, आणि ‘वाईट सवयी’ सोडा…
चाचणी परीक्षेपूर्वी हे करा (Easy Way to Memorize Study for Students)
- परीक्षेसाठी तयार राहा, परीक्षेसाठी लागणारे साहित्य तयार ठेवा.
- आत्मविश्वासाने परीक्षेला सामोरे जा; आपण किती अभ्यास केला आहे हे दर्शविण्याची आणि आपण केलेल्या अभ्यासाचे बक्षीस मिळण्याची संधी म्हणून परीक्षा आहे असे समजा.
- परीक्षेच्या आदल्या रात्री चांगली झोप घ्या.
- स्वत:ला भरपूर वेळ द्या, विशेषत: परीक्षेपूर्वी परीक्षेच्या ठिकाणी थोडे लवकर जा.
- परीक्षेच्या अगदी आधी आराम करा.
- शेवटच्या क्षणापर्यंत अभ्यास करु नका.
- रिकाम्या पोटी परीक्षेला जाऊ नका.
- आपल्या मनाची चिंता दूर करा आणि परीक्षेला सामोरे जा.
- वाचा: Study Time Table for Students: विद्यार्थ्यांसाठी अभ्यासाचे वेळापत्रक
चाचणी परीक्षे दरम्यान हे करा (Easy Way to Memorize Study for Students)
- प्रश्नपत्रिकेमधील सूचना काळजीपूर्वक वाचा.
- प्रश्न काळजीपूर्वक वाचा.
- जे प्रश्न सोपे वाटतात ते अगोर साडवा.
- अवघड प्रश्न सोडविण्याचा नंतर प्रयत्न करा.
- सर्व प्रश्न सोडविले असल्याची खात्री करा.
- आपल्याला आराम करण्यास मदत करण्यासाठी बसण्याची स्थिती बदला.
- विद्यार्थी जेव्हा त्यांचे पेपर जमा करण्यास सुरुवात करतात तेव्हा घाबरु नका; प्रथम पेपर पूर्ण करण्यासाठी आणि जमा करण्यासाठी कोणताही पुरस्कार नाही. वाचा: The Role of Parents in the Success of their Children | मुलांच्या यशात पालकांची भूमिका
यशस्वी विद्यार्थ्यांच्या अभ्यासाच्या सवयी
यशस्वी विद्यार्थ्यांना अभ्यासाची चांगली सवय असते; ते नियोजनबध्द अभ्सास करतात. त्यांच्या अभ्यासाच्या प्रत्येक सवयीबद्दलची माहिती वाचा. आपल्याकडे नसलेली अभ्यासाची सवय विकसित करण्याचा प्रयत्न करा.
- एका वेळी जास्त अभ्यास करत नाहीत.
- अभ्यासाच्या वेळेचे नियोजन करतात.
- अभ्यासाचे स्वतंत्र वेळापत्रक तयार करतात.
- दररोज नियोजनाप्रमाणे ठरलेल्या वेळी अभ्यास करतात.
- पालक मुलांना ठरवलेल्या अभ्यासाच्या वेळेसाठी सहकार्य करतात.
- अभ्यास करताना प्रथम अवघड वाटणा-या भागावर लक्ष केंद्रित करतात.
- असाइनमेंट सुरु करण्यापूर्वी नोट्सचे पुनरावलोकन करतात.
- वाचा: How to be a Successful Student: विद्यार्थी यशस्वी होण्याचा मार्ग
निष्कर्ष | Conclusion (Easy Way to Memorize Study for Students)
आपण एक गोष्ट लक्षात ठेवली पाहिजे की; आजचा संघर्ष उद्याचे सामर्थ्य निर्माण करतो; तेंव्हा विद्यार्थी दशेमध्ये थोडा त्रास घेतला तर भविष्य निश्चितच उज्वल असेल. यशस्वी विद्यार्थी कोणत्याही वेगळया गोष्टी करत नाहीत; तर ते प्रत्येक गोष्ट वेगळेपणाने करतात, त्यामुळेच तर ते यशस्वी असतात; आपले ध्येये गाठण्यासाठी अतोनात प्रयत्न करा, जगाने तुम्हाला वेडे म्हटले तरी चालेल; कारण वेडे लोकच इतिहास घडवतात आणि शिकलेली लोक तो इतिहास वाचतात. आज तुमच्या आयुष्यात येणारा प्रत्येक धडा; तुम्हाला उद्याच्या परीक्षेसाठी तयार करत असतो. वाचा: Information on Education in Maharashtra: महाराष्ट्रातील शिक्षण
“Study Tips for Students अभ्यास विसरता लक्षात राहात नाही मग ही माहिती वाचा” हा लेख आपणास कसा वाटला, या बद्दल आपला अभिप्राय व सूचना कमेंटमध्ये जरुर कळवा. आपला प्रतिसाद व सुभेच्छा आमच्यासाठी लाख मोलाच्या आहेत. त्या नवचैतन्य देतात व त्यामुळे नवीन लेख लिहिण्यास प्रेरणा मिळते. आपण हा लेख आपल्या मित्रांसोबत नक्की शेअर करा. धन्यवाद…!
- Parents Role in the Education of Children |पाल्य, पालक व शिक्षण
- The Role of the Teacher in Child Protection: बालसंरक्षण व शिक्षक
- How to Memorize New Vocabulary | नवीन शब्द कसे लक्षात ठेवावेत
- Does your kid need a Mobile Phone? Cell Phone & Children
शैक्षणिक माहितीसाठी “ज्ञानज्योत” शैक्षणिक मराठी संकेत स्थळाला भेट द्या.
All you need to know about sextortion | सेक्सटोर्शन म्हणजे काय?
Read More
All Information About Pharmacy Courses | फार्मसी कोर्सबद्दल
Read More
Most Beautiful Flowers in the World | जगातील सर्वात सुंदर फुले
Read More
How to Check Income Tax Refund? | टॅक्स रिफंड कसा तपासायचा?
Read More
Know the meaning of moles on the face | चेह-यावरील तीळाचे अर्थ
Read More
Know the Importance of Makar Sankranti 2022 | मकर संक्रांती
Read More
How to Get Rid of Pimples? | मुरुमांपासून सुटका कशी करावी?
Read More
The Role of Parents in the Success of their Children |मुलांचे यश
Read More
A career in the Fashion Designing | फॅशन डिझायनिंगमध्ये करिअर
Read More
Success is Around Yourself | यश तुमच्या सभोवतालीच आहे
Read More